அகிம்சாவாதியாக மாறுவது எப்போது?

அணு ஆயுதமும்
ஆந்ரெக்ஸும்
செய்யாத வேலையை
உன் ஆயுதம் செய்யுமே!

விடுகதை போடுகின்றேன்
என்று எண்ணுகின்றாயா?
இல்லை உண்மை தான்

உன் கண்மணிகளை
கண்ணீர் நனைக்கும் முன்
என் இதயத்தை அல்லவா
அது வருடியது

போதும் பெண்ணே - நீ
தீவிரவாதியாக இருந்தது
அகிம்சாவாதியாக
மாறுவது எப்போது?

நீ என்னைக் காணாமலேயே
இருப்பது நன்று என்றாய்
அப்போது
என் இதயம் சிந்திய
இரத்த கண்ணீரை
நீ ஏன் அறியவில்லை?

உன் மனம் மென்மையானது தான்
ஆனால்
என் மனமும் பாறை கிடையாதே

போதும் பெண்ணே - நீ
தீவிரவாதியாக இருந்தது
அகிம்சாவாதியாக
மாறுவது எப்போது?